ጉርዳ ለወረርሺኙ ምላሽ ለመስጠት በውጭ የሚኖሩ የአካባቢው ተወላጆን በማነሳሳት በተገኘ የገገዘብ ድጋፍ ከዞኑ የጤና መምሪያ ጋር በመነጋገር በሁሉም የዞኑ ቀበሌዎች ለሚገኙ የቀበሌ ጤና ኤክስቴንሺን ባለሙያዎች በወረሺኙ መከላከል የአቅም ግንባታ ስልጠና አግኝተው ወደ የቤት ለቤት የመከላከል ተግባር እንዲሰማሩ ተደርጓል። ቶቶት የተባለ የወጣቶች ማህበር በዞኑ ለሚደረግ ህዝባዊ ቅስቀሳ በቀረበው ዕቅድ መሰረት የማስፈፀሚያ የገንዘብ ድጋፍ ተደርጓል። በተጨማሪም ለህክምናና የማግለያ ቦታዎች 200 ፍራሾችና እንሶላዎች ከአምራቾቹ በጨረታ ተገዝተው ለዞኑ አስተዳደር ተለግሷል። ከላይ የተጠቀሱት ተግባራት ከፍላጎቶቹና በውጭ ካለው የተወላጆች አቅም ጋር ሲመዘን እጅግ አነስተኛ አፈፃፀም እንደሆን ማብራሪያ የሚፈልግ አይሆንም። ምንም እንኳን የኮቪድ ወረርሺኝ፣ የሀገራችን ያልተረጋጋ የፖለቲካ ሁኔታ፣ የታቀዱ የልማት ተግባራትን ለማስፈፀም የሚያስፈልግ መዋለነዋይ ማሰባሰብ ላይ የነበረው ተፅዕኖ ከባድና ያልተቋረጠ ቢሆን የአመራር ብርሃን በአዳዲስ አቅም በመገንባት አዳዲስ ለልማት የሚውል ሀብት ለማሰባሰብ የተለያዩ ስልቶችን በመንደፍ መንቀሳቀስ ግዜ የማይስጠው ተግባር መሆን ይገባዋል።